"Ընտրական իրավունք եւ ընտրակարգեր"
Հեղինակ: Լյուդվիգ Խաչատրյան

ԲՈՎԱՆԴԱԿՈՒԹՅՈՒՆ
Գլուխ 1. Ընտրական իրավունք
Ընտրական համակարգեր
Գլուխ 2. Ընտրովի մարմիններ
Գլուխ 3. Ընտրակեղծիքների
տրամաբանությունը
Գլուխ 4. Ընտրակեղծիքների
տեխնոլոգիաները
Գլուխ 5. Ընտրակեղծիքների
նվազեցնելու հնարավորությունները
Գլուխ 6. Որոշ երկրներում
գործող ընտրակարգերը
ԱՄՆ
Ֆրանսիա
Գերմանիա
Իտալիա
Գլուխ 7. հետխորհրդային որոշ
հանրապետությունների
ընտրակարգերը
Ռուսաստան
Մերձբալթյան
հանրապետություններ
Հայաստանի
հանրապետություն
մինչ 1999 թ.
1998-1999թ.
Ընտրություններ 2003թ
2005թ
Հանրաքվե 2005թ.
2007թ
2008թ
2009թ
Առաջարկություներ




ԳԼՈւԽ 7. ՀԵՏԽՈՐՀՐԴԱՅԻՆ ՈՐՈՇ ՀԱՆՐԱՊԵՏՈՒԹՅՈՒՆՆԵՐԻ ԸՆՏՐԱԿԱՐԳԵՐԸ

      ԽՍՀՄ
  Նախկին Խորհրդային Միության հանրապետություններում Մինչ 1989 թվականը կիրառվում էր միամանդատ, ընտրողի մեկ ձայնի իրավունքի սկզբունքով, ընտրատարածքի ընտրողների ընդհանուր թվի կեսից ավելիի քվորումով եվ քվոտայով, մեծամասնական ընտրական համակարգը: Թերեվս անիմաստ է ներկայացնել Խորհրդային Միության այդ ժամանակաշրջանի ընտրությունները, քանի որ յուրաքանչյուր ընտրատարածքում քվեարկվում էր մեկ թեկնածու եվ արդյունքում հայատարարվում էր որ նրանք ստացել են ընտրատարածքի ընտրողների ընդհանուր թվի ձայների 90%-ից ավելին, եթե ոչ 99,9%-ը:
  1989 թվականին Խորհրդային Միության, թերեվս ինչ որ չափով ոչ ձեվական գերագույն իշխանության` նոր ներկայացուցչական մարմնի (ժողովրդական պատգամավորների համագումարի) ձեվավորման համար կիրառվեց ընտրատարածքի ընտրողների ընդհանուր թվի կեսից ավելիի քվորումով եվ մասնակիցների կեսից ավելիի ձայների քվոտայով, մեծամասնական ընտրական համակարգ: Ընդ որում գերագույն իշխանության` համագումարի, 2250 պատգամավորներից 750ը սահմանված կարգի համաձայն ընտրվեցին հասարակական կազմակերպությունների ղեկավար մարմինների կողմից, որոնք հիմնականում կոմունիստական ռեժիմի կողմից ստեղծված եվ հիմնականում նրա շահերն արտահայտողներն էին: Իսկ ընտրատարածքներից ընտրվող մնացած պատգամավորների մեծ մասը, որոնց թեկնածություններն առաջադրվում եվ պաշտպանվում էին կոմկուսի կողմից, ընտրվեցին կեղծիքների շնորհիվ: Չնայած դրան սկսված վերափոխումները հանգեցրեցին նրան, որ պատգամավորների մի մասը ժողովրդավարության հաստատման, անձի ազատությունների ու իրավունքների պաշտպանության համար, բռնապետության դեմ պայքրող հայտնի քաղաքական գործիչներ էին եվ նրանց կողմնակիցներ, որոնց մեջ առանձնահատուկ տեղ էր գրավում Անդրեյ Դմիտրիեվիչ Սախարովը:
  1991 թվականին Խորհրդային Միության լուծարման հետեվանքով, լուծարվեց ԽՍՀՄ ժողպատգամավորների համագումարը եվ նրա կողմից ընտրված Գերագույն Խորհուրդը:
Խորհրդային Միության կազմի մեջ մտնող հանրապետությունների մի մասի Գերագույն Խորհուրդները 1990 թվականին ձեվավորվեցին` Միության ժողպատգամավորների ընտրությունների համար սահմանված ընտրակարգերով, առանց հասարակական կազմակերպությունների կողմից ուղղակիորեն պատգամավորներ ընտրելու եվ թերեվս մի փոքր ավելի բարելավված օրենքներով ու քիչ խատումներով:
  Հանրապետությունների նորընտիր իշխանությունների անկախության նվաճման ուղղությամբ գործունեության, Խորհրդային իշխանության կայսերամետ ուժերի ռազմական լծակներով վարչակարգի պահպանման փորձերի անհաջողությունների հետեվանքով, ժողովրդավարական ուժերի ջանքերի շնորհիվ, Ռուսաստանի Դաշնության, Ուկրանիայի եվ Բելոռուսի իշխանություների եվ դրանց միացած մյուս հանրապետությունների միջպետական համաձայնագրերի համաձայն, հիմնականում հանրաքվեներով հանրապետությունների անկախության հռչակմամբ 1991 թվականին Խորհրդային Միությունն իրավաբանորեն դադարեց գոյություն ուննեալուց եվ նրա կազմի նախկին հանրապետություններում` այժմ անկախ պետություններում գործում են նոր ընտրակարգեր եվ ընտրություններն անց են կացվում տարբեր ընտրական համակարգերով:

    E-mail: k.lyudvig@yahoo.com
Phone: (374) 93 742145

Հեղինակ: Լյուդվիգ Խաչատրյան    CV    Google